Մարտունու ավագանու թատրոնը

Thu, 30 Apr 2026 21:25:04 +0400

Գեղարքունիքի մարզի Մարտունի համայնքապետարանում այսօր ավագանու նիստ էր, քննարկվում էր քաղաքի Մյասնիկյան փողոցի վրա գտնվող թվով 11 ոչ կենսունակ ծառերի և 53 եղևնիների տեղափոխման հարցը:

Ապրիլի 28-ին էլ՝ համայնքապետարանում հանրային լսումներ էին այս կապակցությամբ: Հավաքվել էին մանկապատեզների աշխատողները, համայնքապետարանի աշխատակիցները և համայնքապետի համախոհները, հանրային լսում էին անում՝ կտրե՞լ ծառերը, թե՞ չկտրել, տեղափոխե՞լ, թե՞ չտեղափոխել:

Նիստի ժամանակ գյուղատնտեսության բաժնի պետ Հարություն Հարությունյանը ավագանու անդամներին համոզում էր, թե որքան շուտ այդ ծառերը կտրեն, տեղափոխեն, այնքան ավելի շուտ ասֆալտապատում կանեն: Իսկ զավեշտ այն էր, որ այդ ծառերն օրեր առաջ են հատվել, արմատախիլ արվել:

Թե ում համար է այս թատրոնը, պարզ չէ։