Բրիտանացի զբոսաշրջիկը թքել է թուրքական դրոշի վրա

Wed, 09 Sep 2026 17:00:32 +0400

Թուրքիայի Ալանիա քաղաքում բրիտանացի զբոսաշրջիկ է ձերբակալվել այն բանից հետո, երբ թքել է Թուրքիայի պետական դրոշի վրա։ Այս մասին հայտնում է DHA գործակալությունը։
Դեպքը տեղի է ունեցել Դինեք շրջանի հյուրանոցներից մեկում։

Գործակալության տվյալներով՝ Բրիտանիայի 58-ամյա քաղաքացի Սթիվեն Քերը վիճաբանել է հյուրանոցի աշխատակիցների հետ, ապա թքել նախասրահում տեղադրված թուրքական դրոշի վրա։

Հյուրանոցի անձնակազմը դիմել է ոստիկանություն։ Հյուրանոց ժամանած իրավապահ մարմինների աշխատակիցները ձերբակալել են բրիտանացուն։

Դատարանը որոշում է կայացրել Քերին կալանավորելու վերաբերյալ՝ պետական ​​ինքնիշխանության խորհրդանիշները վիրավորելու մեղադրանքով։