Լեգենդար ավտոմեքենան նորից կարտադրվի

Wed, 14 Oct 2026 00:30:18 +0400

Jeep ամերիկյան ընկերությունը մտադիր է վերստին սկսել Willys մեքենայի արտադրությունը։ Այն լինելով ընկերության առաջին արտաճանապարհային մեքենան, ապացուցել է իր արդյունավետությունը մարտական պայմաններում եւ նաեւ՝ մի ողջ ավտոմոբիլային սեգմենտի հիմնադիրն է դարձել։ Այս որոշմամբ՝ ամերիկյան ընկերությունը ցանկանում է ավելի արդյունավետ կերպով մրցակցել չինական եւ եվրոպական ավտոարտադրողների հետ։ Այս մասին հայտնում է Autocar-ը։ Բրենդի ղեկավար Քսավյե Փեժոն հայտարարել է, որ Willys-ը ապագայի գլխավոր առաջնահերթությունն է իրենց համար։ Հայտնի մեքենայի վերածնունդը, սակայն տեղի կունենա ոչ շուտ, քան 2030 թվականը։ Այլ մանրամասներ առայժմ չեն հաղորդվում։