Ի՞նչ է այսօր առաքվելու Ադրբեջանից Հայաստան

Tue, 14 Apr 2026 09:30:28 +0400

Ադրբեջանն այսօր Հայաստան կուղարկի դիզվառելիքով լի ևս 22 երկաթուղային վագոն։ Տեղեկությունը հայտնում են ադրբեջանական լրատվամիջոցները։

Նշվում է, որ բացի այդ, Ռուսաստանից Հայաստան տարանցիկ ճանապարհով կուղարկվի պարարտանյութով լի 4 երկաթուղային վագոն։
Հիշեցնենք` շուրջ 35 տարվա դադարից հետո առաջին անգամ 2025 թ․ դեկտեմբերի 19–ին Ադրբեջանից Վրաստանի տարածքով ՀՀ Տավուշի մարզի «Այրում» կայարան հասավ 22 վագոնից բաղկացած գնացքը` 1218 տոննա A95 տեսակի բենզինով։

2026 թ․ հունվարի 7–ին հայտնի դարձավ, որ Ադրբեջանը նավթամթերքի ավելի խոշոր խմբաքանակ կուղարկի Հայաստան: Ադրբեջանի Մաքսային կոմիտեի տվյալներով` միայն հունվարին Հայաստանն Ադրբեջանից 2 մլն 403,6 հազար դոլարի բենզին և դիզելային վառելիք է ներկրել։ Սա կազմում է երկրի ընդհանուր արտահանման 0,1 տոկոսը։