Ո՞ր դեպքում Իրանական պատերազմը կվերսկսվի

Sun, 19 Apr 2026 14:30:53 +0400

Միացյալ Նահանգների վարչակազմը առաջիկա օրերին կարող է վերսկսել ռազմական գործողություններն Իրանում, եթե բանակցություններում դրական առաջընթաց չարձանագրվի։

Այս մասին հայտնում է Axios պարբերականը։ Համաձայն հոդվածի շաբաթ օրը նախագահ Թրամփը Սպիտակ տանն անցկացրել է խորհրդակցություն, որտեղ քննարկել է Իրանի հետ բանակցություններն ու Հորմուզի նեղուցում լարվածության նոր բռնկումը։

Ամերիկացի բարձրաստիճան պաշտոնյան անանունության սկզբունքով հայտնել է պարբերականին, որ եթե Վաշինգտոն-Թեհրան բանակցություններում առաջընթաց չգրանցվի, ապա ռազմական գործողությունները կարող են վերսկսվել առաջիկա օրերին։ Խորհրդակցությանը ներկա են եղել փոխնախագահ Ջեյ Դի Վենսը, Պենտագոնի ղեկավար Փիթ Հեգսեթը, Պետքարտուղար Մարկո Ռուբիոն, Ֆինանսների նախարար Սքոթ Բեսենթը ինչպես նաեւ՝ Կենտրոնական հետախուզության վարչության ղսեկավար Ջոն Ռեթքլիֆն ու ԶՈՒ Շտաբների ղեկավարների կոմիտեի նախագահ Դեն Քեյնը։