Եվրոպական 7 ընկերության նկատմամբ սանկցիաներ են կիրառվել

Sat, 25 Apr 2026 22:00:53 +0400

Չինաստանը եվրոպական յոթ ընկերությունների հանդեպ սանկցիա է կիրառել։ Պատճառն այն է, որ այդ երկրները թայվանյան իշխանություններին զենք զինամթերք են մատակարարել։ Այս մասին հայտարարել է Չինաստանի Առեւտրի նախարարությունը։ Համաձայն հրամանի, երկակի նշանակության չինական ապրանքների արտահանումը այդ ընկերություններին, կարգելվի։ Արտասահմանյան ձեռնարկությունները կամ մասնավոր անձինք չպետք է վաճառեն այդ ընկերություններին չինական ծառման ապրանքներ։

Սահմանափակումների տակ են հայտնվել գերմանական Hensoldtընկերությունը, որը զբաղվում է ռադիոլոկացիոն եւ սենսորային տեխնոլոգիաների մշակումով, բելգիական FN Herstal եւ FN Browning Group հրազենի արտադրությամբ զբաղվող ընկերությունները, ինչպես նաեւ՝ չեխական չորս ռազմական արդյունաբերության ոլորտի ձեռնարկություններ։ Հրամանը ուժի մեջ մտնում է հրապարակման պահից։Նշենք, որ Եվրամիությունն էլ չինական ընկերությունների է ներառել իր հակառուսական սանկցիաների 20-րդ փաթեթում, որոնք, ըստ Բրյուսելի, համագործակցություն ունեն ռուսական ռազմական արդյունաբերության ոլորտի ընկերությունների հետ։